1001 Nótt Dansveisla er samfélag magadansmeyja á Íslandi, sem einu sinni á ári hittast og dansa saman. Undanfarin ár höfum við haldið danssýningu í Tjarnarbíói en í ár bjóðum við upp á tíma og magadanspartý, svokallað Hafla. Magadansdagurinn mikli verður laugardagurinn 29. maí. Á næsta ári stefnum við á stóra magadanshátíð með erlendum gestakennara/-kennurum og sýningum.
ATHUGIÐ - Þessi síða er mun betri í tölvu en snjalltækjum.
Samstarfsaðilar:
1001 NÓTT FESTIVAL 2021 fer fram laugardaginn 29. maí í Listdansskólanum og Kramhúsinu.
Staðsetning Tímasetning Hvað Kennari Verð
Listdansskólinn 13:00 Málstofa um magadanskennslu Margrét Erla Maack og Kristína Berman 0 - en verður að skrá sig Listdansskólinn 14:00 Kafað í grunninn Kristína Berman 2900 kr. Listdansskólinn 14:00 Folklore Rósalind Hansen 2900 kr.
Listdansskólinn 15:00 Shimmie-tækni Rosana Davudsdóttir 2900 kr.
Listdansskólinn 16:00 Burlesque Margrét Erla Maack 2900 kr. Listdansskólinn 16:00 Sensual Commercial Sigríður Ásgeirsdóttir 2900 kr. Kramhúsið 18:00 Slæðulitun Kristína Berman 4500 kr.
Kramhúsið 19:00 Hafla - Magadanspartý 2900 kr.
Skráningarfrestur er til miðnættis 28. maí
“Great dancers are not great because of their technique, they are great because of their passion.”
Martha Graham
13:00 Magadans-kennsla, málstofa
Spjall um kennslu. Hvernig finnst okkur best að miðla því sem við kunnum? Hver er munurinn á að kenna gæsapartýi og fyrsta tíma á byrjendanámskeiði? Hvað er hægt að kenna þeim sem kunna allt? Lifandi og skemmtilegt spjall fyrir kennara og þau sem vilja byrja að kenna magadans. Ókeypis, en þarf að skrá sig.
Listdansskólinn kl. 13:00
50 mín
15:00 Shimmie
Svita- og tæknitími þar sem kennd er alls konar shimmie-tækni og shimmie-úthald. Shimmie-ið er undirstaðan í magadansi en einnig hápunktur. Rosana Davudsdóttir kennir okkur allskonar shimmie og að styrkja það shimmie sem við höfum. Skemmtilegur tími sem skilur mikið eftir sig.
Listdansskólinn kl. 15:00
50 mín
18:00 Slæðulitun
Ertu með draumaslæðuna í huga en hefur aldrei fundið hana? Kristína Berman, magadansmær og textílhönnuður leiðir silkislæðulitun þar sem þú getu fengið slæðuna sem þig hefur alltaf dreymt um. Námskeiðið kostar aðeins 4500 krónur og þú færð að eiga slæðuna að námskeiði loknu! Vinsamlega komið í subbufötum - við tökum ekki ábyrgð á fatnaði sem skemmist. Námskeiðið er í Kramhúsinu (í portinu eða í sturtuklefanum) í upptakti höflunnar ->
Slæðurnar verða svo þurrar og klárar í lok kvölds.
Kramhúsið kl. 18:00
50 mín
14:00 Kafað í grunninn
Tími sem styrkir grunntækni. Frábært fyrir algjöra byrjendur eða þær sem vilja rifja upp hvernig byrjendatímar eru byggðir upp. Kennari er Kristína Berman. Við getum lánað magadansbelti í þessum tíma.
Listdansskólinn kl. 14:00
50 mín
16:00 Sensual Commercial
Tímar sem algjörlega hafa slegið í gegn í Kramhúsinu undanfarin misseri með Sigríði Ásgeirs, sem blandar saman dívudansstílum þar sem mjaðmahreyfingar eru í fyrirrúmi eins og magadans, afrobeat og dancehall. Góður svita- og gellutími með frábærri tónlist.
Listdansskólinn kl. 16:00
50 mín
19:00 HAFLA!
Magadanstpartý þar sem við borðum saman arabískan mat, dönsum, hópar sýna sem vilja, magadanspubquiz, gleði og glens. Ef þið viljið selja eitthvað á basar látið okkur vita! Matur er innifalinn - en komið með eigin drykki. Partýið er í Kramhúsinu og stendur til kl. 22.
Matseðill:
Falafel (v) Kjúklingabaunabuff
Hummus (v) Silkimjúkur hummus með hvítlauk, sítrónu, ólífuolíu og sumac
Sterk paprikusósa (v) Ristuð paprika, chili og hvítlaukur (sterkt)
Jógúrtsósa með hvítlauk og tahini
Tabouleh (v) Kúskús-salat með steinselju, myntu, agúrku, tómötum, skalottulauk og hvítlauk.
Grænt salat og ferskt grænmeti(v)
Pitubrauð
Ferskir ávextir (v)
Allur matur hentar grænmetisætum - þeir réttir sem merktir eru (v) eru vegan.
14:00 Folklore
Það er okkur sannur heiður að bjóða upp á folklore-tíma með folkloredrottningunni Rósalind Hansen. Hún hefur meðal annars lært hjá Aida Nour, Mahmoud Reda og Ahmed Fehkry. Farið verður í kóreógrafíu með staf. Við munum hafa stafi til láns ef þarf.
Listdansskólinn kl. 14:00
50 mín
16:00 Burlesque
Hleyptu þinni innri dívu út í vernduðu umhverfi. Burlesque er kynþokkafullur kabarettdans sem gengið hefur í endurnýjun lífdaga síðastliðin ár. Kennari er Margrét Erla Maack sem er frumkvöðull burlesquesins á Íslandi. Í tímanum lærum við grunnspor og hvernig hægt er að nýta magadansgrunn í burlesque.
Listdansskólinn kl. 16:00
50 mín
ALGENGAR SPURNINGAR
Þarf ég að kunna magadans til að taka tímana?
Flestir tímarnir eru fyrir fólk með góðan grunn í magadansi eða annars konar dansi. Ef þú ert að dansa magadans í fyrsta sinn mælum við með að taka "Kafað í grunninn"-tímann til að byrja með áður en þú ferð í hina tímana.
Fyrir hverja eru tímarnir og partýið?
Hátíðin er búin til sem bókstaflegur samhristingur magadansmeyja á Íslandi. Allt magadanssamfélagið er velkomið.
Ég er að sýna í partýinu, mega vinir mínir koma og horfa?
Já, ef þau kaupa miða í partýið.
Er hægt að fá lánað magadansbelti?
Vegna Covid19 og sóttvarnarráðstafanna erum við ekki að lána magadansbelti fyrir tímana, nema fyrir byrjendatímann kl. 14:00.
Hvar eru fleiri myndir frá fyrri hátíðum?
Inni á facebooksíðunni okkar eru myndaalbúm frá fyrri hátíðum.
Ég styrkti söfnunina í fyrra og vil fá endrgreitt, hvað geri ég?
Sendu okkur póst í gegnum formið hér fyrir neðan. Athugið að það tekur tíma að endurgreiðslan komi til ykkar. Ef þú vilt taka inneignina út að hluta til eða í heild þá fyllirðu út formið hér að ofan til að skrá þig á námskeið.
Af hverju er ekki sýning í Tjarnarbíói í ár?
Vegna slitróttra námskeiða hjá öllum hópum í vetur og almennra og ófyrirséðra samkomutakmarkanna viljum við ekki setja pressu á að smíða atriði, heldur frekar að halda partý og opið gólf. Þær sýna sem vilja.
Hvenær kemur Cassandra Fox?
Ástæða þess að Cassandra Fox kemur ekki í ár er sú að hún er ófrísk og á von á sér í haust. Við getum ekki lofað því að hún sé komin í dans- og kennsluform á næsta ári en við vonum það besta. Vilji er bæði hjá 1001 nótt og Cassöndru að koma til Íslands þegar heimsfaraldur og barneignir leyfa.
Ráðstafanir vegna Covid 19
Eftirfarandi ráðstafanir verða gerðar til sótt- og smitvarna. Þessi fyrirmæli geta breyst.
Það er ekki grímuskylda í tímunum sjálfum en við hvetjum ykkur til að gæta að persónulegum smitvörnum og fjarlægð. Til að lágmarka alla snertifleti hvetjum við ykkur til að dansa ekki berfættar, heldur í sokkum, balletskóm, tátiljum eða innanhússkóm (ekki í pinnahælum eða skóm sem geta skemmt dansdúkinn í Listdansskólanum).
Snertifletir eru sótthreinsaðir milli tíma.
Á hafla-kvöldinu hegðum við okkur eins og á veitingastað, og þar er ekki lengur grímuskylda! Nóg af spritti í boði og skylda er að nota einnota hanska á hlaðborðinu.
Ef samkomutakmarkanir verða til þess að ekki verður hægt að halda hátíðina 29. maí frestast hún fram á haust - til september eða október. Þar sem allir kennarar búa á Íslandi er nokkuð auðvelt að fresta hátíðinni.
